COJONADE E COJONI

Cojonade ... So£o e soltanto cojonade.

A no go altre paro£e par definire 'sta trovada.

Mi penso che 'l Espresso no 'l spetàse altro che ndare da 'sti movimenti (asociasiòn ... a no sò gnanca come ciamarli)  par butarli in prima paxena.

Ma rajonemo 'n atimo.  El Stato Italian el xe drio sdefarse, i movimenti popo£ari che i xe drio ciapar voxe i xe cuei cofà el 5 Ste£e e cuei cofà i indipendentisti vèneti.

Par còsa xe che pensè che i gabia publicà in copertina 'sti tre sderenà?

A ghe vol tanto par capirlo?  No, no ghe vol tanto. Vèro?  £a parsona norma£e £o capise suìto. Justo?



Cueo che me àsa a boca vèrta a xe che 'sti tre mone, par el puro gusto de mostrare i só muxi in copertina i se xe fàti fotografare in 'sto modo, parmetendo finalmente na asociasiòn tra 'sti cuà (falsa!!!) e i altri movimenti indipendentisti vèneti che in realtà gnente i ga da spartire co 'sti cuà.

Grasie tante!  Ahn!


Bravi, propio bravi ... Mone!!! ... Come butar inte 'l merdaro £a fadiga spexa in 'sti àni da un mucio de xente par promovare el indipendentismo vèneto sàno, pacifico, no vio£ento.

Mone o colaborasionisti, 'ste du cuà £e xe £e ipotexi che me pàsa par £a testa.  Decidì voaltri a che categoria far parte.

El xe un problèma tipico che go notà esarghe inte 'l movimentismo indipendista vèneto, in xenera£e.

A ghe xe 'sta xente che no gavendo altre valvo£e psicolojche de sfògo, £e marìda el indipendentismo vèneto, parché esendo in espasiòn ma oncora picinin, na man in pì £a fa senpre comodo ... E cusì riva 'sti figuri asurdi che pìtòsto de farse fotografare da 'l Espresso i farîa un bèn a tùti a scumisiare na serie de sentade da 'l Psicologo.

E questo a tùti i nive£i, anca inte i Partiti o Movimenti che tenta de partesipare a £e elesiòn par fare màsa critega, tùti incluxi, anca cuei che i vien da nasare (uncuò o doman se no me sbalio).

Àsemo perdare vestiti in mascara fóra da 'l periodo de Carneva£e, àsemo perdare tri-dèi (che £o sò, a go capîo che i vol esare un segno, un modo par far grupo e tirarse suxo e darse corajo cuando che a na manifestasiòn se xe in braghe curte e canotiera e par contro da che altra parte ghe xe i ghebi co caschi de fèro e scudi), àsemo perdare protagonismi, evitando però anca de àsare che xente che ghe serve na calmada £a vaga a far parte de Major Consej, che £a se candida a Prexidente o Segretario o altre cariche de movimenti e partiti indipendentisti.

Ma ... Orco e fòra! A no semo miga boni de gavere un fià de bon senso?